ᐅᓇ ᓄᓇᖅᑲᖅᑳᖅᓯᒪᔪᑦ ᐃᖅᑲᓇᐃᔮᒃᓴᓄᑦ ᐃᓕᓐᓂᐊᖅᑕᐅᔪᓇᖅᑐᓄᒃ ᕿᓂᕈᑎᖏᑦ ᐱᓕᕆᑎᑦᑎᔾᔪᑕᐅᔪᖅ ᑐᓂᓯᓯᒪᔪᖅ ᓄᓇᖅᑲᖅᑳᖅᓯᒪᔪᑦ ᒐᕙᒪᒃᑯᓂᑦ ᐃᖅᑲᓇᐃᔭᖅᑎᓂᑦ ᐅᖃᐅᑎᔭᐅᑦᑎᐊᕐᓗᑎᒃ ᐊᒻᒪᓗ ᑐᑭᒧᐊᒃᑎᑕᐅᓗᑎᒃ ᓇᒧᖓᐅᔭᕆᐊᖃᕆᐊᒃᓴᖅ ᐃᖅᑲᓇᐃᔭᖅᑎᑕᐅᕙᓪᓕᐊᓂᕐᒧᑦ, ᐱᕙᓪᓕᐊᑎᑦᑎᓂᕐᒧᑦ, ᐊᒻᒪᓗ ᐱᕚᓪᓕᖅᑎᑦᑎᓂᕐᒧᑦ. ᐅᓇ ᐱᓕᕆᑎᑦᑎᔾᔪᑕᐅᔪᖅ ᐃᑲᔪᖅᑐᖅ ᐊᐅᓚᑦᓯᔨᓂᒃ, ᐊᔪᕆᖅᓲᔾᔨᕙᓪᓕᐊᔪᖅ ᖃᓄᖅ ᐱᔭᕆᐊᖃᖅᑐᓂᒃ ᖃᓄᖅ ᐱᐅᓛᖑᖕᒪᖔᑦ ᐃᑲᔪᖅᓯᓂᖅ ᓄᓇᖅᑲᖅᑳᖅᓯᒪᔪᓂᒃ ᐃᖅᑲᓇᐃᔭᖅᑎᓂᒃ ᐃᖏᕐᕋᔪᓕᕆᔨᒃᑯᑦ ᑲᓇᑕᒥ, ᐊᒻᒪᓗ ᐅᖃᐅᑎᓗᒋᑦ ᐊᑐᓕᖅᑕᐅᑎᑦᑎᓂᖅ ᓄᓇᖅᑲᖅᑳᖅᓯᒪᔪᓂᒃ ᐃᖅᑲᓇᐃᔭᖅᑎᑦᑎᓂᖅ ᐊᒻᒪᓗ ᐱᓯᒪᐃᓐᓇᕈᑎᒃᓴᑦ ᐃᖅᑲᓇᐃᔭᑦᑎᓂᒃ ᐋᕿᒃᓯᒪᔾᔪᑎᒃᓴᖏᑦ ᐸᕐᓇᐅᑎᑦ
ᑲᑎᓪᓗᒋᑦ ᐃᖏᕐᕋᔪᓕᕆᔨᒃᑯᑦ ᑲᓇᑕ ᓄᓇᖅᑲᖅᑳᖅᓯᒪᔪᓄᑦ ᐃᖅᑲᓇᐃᔮᒃᓴᓄᑦ ᐃᓕᓐᓂᐊᖅᑕᐅᔪᓐᓇᖅᑐᓂᒃ ᕿᓂᕈᑎᖏᑦ
ᕼᐃ, ᐊᑎᖃᖅᑐᖓ ᓵᓐ ᓯᑎᕝ. ᑎᒃᑯᐊᖅᑕᐅᓯᒪᔪᖓ ᐃᖏᕐᕋᔪᓕᕆᔨᒃᑯᑦ ᑲᓇᑕ ᓄᓇᖅᑲᖅᑳᖅᓯᒪᔪᓄᑦ ᐃᖅᑲᓇᐃᔮᒃᓴᓄᐃᑦ ᐃᓕᓐᓂᐊᖅᑕᐅᔪᓐᓇᖅᑐᓂᒃ ᐊᔪᕆᖅᓲᔾᔨᔪᑎ ᕿᓂᕈᑎᖏᑦ ᑕᐃᑲᓂ 2022. ᐃᓱᒪᒋᔪᓐᓇᖅᑕᕐᒪ ᓄᓇᖅᑲᖅᑳᖅᓯᒪᔪᓂᒃ ᐃᖅᑲᓇᐃᔭᓕᕐᑎᑦᑎᕙᓪᓕᐊᔪᖓ ᐊᒻᒪᓗ ᐱᓯᒪᐃᓐᓇᖅᓗᒋᑦ “ᐃᑲᔪᖅᑕᐅᕕᒃ ᕿᓂᕈᑎᑎᒍᑦ” ᐃᖏᕐᕋᔪᓕᕆᔨᒃᑯᑦ ᑲᓇᑕ.
ᐊᔾᔨᓕᐅᖅᑕᐅᓚᐅᖅᑐᖅ ᓇᒧᖓᐅᕙᓪᓕᐊᓂᖅᐳᑦ ᐊᖏᓂᖅᓴᓄᑦ ᕕᒃᑐᐊᕆᐊ, ᐅᓇᓗ ᐃᓂᖃᖅᑐᖅ ᓄᓇᖅᑲᖅᑳᖅᓯᒪᔪᑦ ᓄᓇᑐᐊᖓᓂ ᓕᒃᒍᐃᓐᔨᓐ-ᐅᖃᓪᓚᓲᑦ ᓄᓇᖅᑲᖅᑳᖅᓯᒪᔪᑦ ᓵᖕᕼᐄ ᐊᓪᓚᐃᑦ ᐊᒻᒪᓗ ᐃᔅᑯᐃᒫᑦ ᐊᓪᓚᐃᑦ, ᐅᑯᐊᓗ ᐃᒻᒪᑲᓪᓚᓂᑦ ᐃᓚᒌᒍᓯᖃᖅᑐᑦ ᓄᓇᒥ ᑲᔪᓯᔪᖅ ᓱᓕ ᐅᓪᓗᒥ.
ᐃᓚᒋᔭᐅᔪᑦ ᐱᖁᐃᔅ ᐊᓪᓚᐃᑦ, ᐅᑯᐊᓗ ᐃᓂᖃᖅᑐᑦ ᖃᓂᒋᔮᓂ 196 ᑭᓚᒦᑕᔅ ᐅᐊᖕᓇᖓᓂ ᕖᓂᐱᒃ. ᐱᕈᖅᓴᓚᐅᖅᑐᖓ ᕖᓂᐱᒃ ᐅᐊᖕᓇᖓᓂ, ᐊᒻᒪᓗ ᑭᖑᓂᐊᒍᑦ ᐃᓕᓐᓂᓚᐅᖅᑐᖓ ᑐᓴᐅᑎᓕᕆᓂᖅ ᐃᓕᓐᓂᐊᕐᕕᒃᔪᐊᖓᓂ ᕖᓂᐱᒃ.
ᑕᐃᒪᓗ ᓄᓇᖅᑲᖅᑳᖅᓯᒪᔫᓗᑎᑦ ᐃᖅᑲᓇᐃᔭᖅᑎᐅᓗᑎᑦ, ᑕᒫᓃᑉᐳᖓ ᑐᑭᒧᐊᒃᑎᑦᑎᓂᐊᕋᒪ ᐊᔪᕆᖅᓲᔾᔨᖃᑦᑕᕐᓗᖓ ᐊᒻᒪᓗ ᐃᑲᔫᑎᒃᓴᓂᒃ ᐃᖏᕐᕋᑎᑦᑎᓇᓱᐊᖅᑎᓪᓗᑎᑦ ᐃᓕᓐᓂᐊᕈᑎᒃᓴᕐᓄᑦ ᐃᖅᑲᓇᐃᔮᕆᓂᐊᖅᑕᕐᓄᑦ ᐊᒻᒪᓗ ᕿᓂᕐᓗᑎᑦ ᐃᖅᑲᓇᐃᔮᒃᓴᓂᒃ ᒪᑐᐃᖓᔪᓂᒃ.
ᑕᐃᒪᓗ ᐊᐅᓚᑦᓯᔨᐅᒍᕕᑦ, ᐅᖃᕐᕕᒋᔪᓐᓇᖅᑕᕐᒪ ᐃᖅᑲᓇᐃᔭᖅᑎᑦᑎᓂᖅ, ᑐᓐᖓᓱᒃᑎᑦᑎᓂᖅ, ᐊᒻᒪᓗ ᐃᑲᔪᕐᓂᖅ ᓄᓇᖅᑲᖅᑳᖅᓯᒪᔪᓂᒃ ᐃᖅᑲᓇᐃᔭᖅᑎᓂᒃ.
ᓄᓇᖅᑲᖅᑳᖅᓯᒪᔪᑦ ᐃᖅᑲᓇᐃᔮᒃᓴᓄᑦ ᐃᓕᓐᓂᐊᕈᓐᓇᖅᑕᖏᓐᓄᑦ ᕿᓂᕈᑎᑦ ᐃᖏᕐᕋᑎᑦᑎᔾᔪᑎ ᓴᕿᑦᑎᓯᒪᔪᖅ ᐊᕙᑎᖃᖅᑐᑦ ᓇᓂᔭᐅᓯᒪᔪᓂᒃ ᑐᓐᖓᔾᔪᑕᐅᔪᑦ ᑲᑎᒪᓪᓗᑎᒃ. ᑐᑭᒧᐊᒃᑎᑦᑎᔪᑦ ᑕᒪᐃᓐᓅᖓᔪᓂᒃ ᐊᑑᑎᖃᖅᑐᓂᒃ 7-ᖑᔪᑦ ᐃᓕᓐᓂᐊᕈᑎᑦ - ᖃᐅᔨᒪᔨᒋᔭᐅᔪᑦ, ᓇᒡᓕᖕᓂᖅ, ᐃᒃᐱᒍᓱᑦᑎᐊᖅᑐᑦ, ᓴᐱᓕᖅᑕᐃᓕᒪᓂᖅ, ᓱᓕᑦᑎᐊᕐᓂᖅ, ᐱᐅᓱᒋᓐᖏᓂᖅ, ᐊᒻᒪᓗ ᓱᓕᔪᑦ - ᐃᖏᕐᕋᑎᑦᑎᔾᔪᑎᖏᑦ ᐃᓚᓕᐅᑎᓯᒪᔪᑦ ᑖᒃᑯᓂᖓ ᑐᓐᖓᔾᔪᑕᐅᔪᓂᒃ ᐊᑐᖅᑕᐅᑦᑎᐊᕐᓂᐊᕐᒪᑕ ᖃᓄᐃᖏᑦᑎᐊᖁᓪᓗᒋᑦ ᐊᒻᒪᓗ ᐃᓚᓕᐅᑎᔭᐅᓯᒪᑦᑎᐊᕐᓗᑎᒃ ᐱᓕᕆᔾᔪᓯᖏᑦ.
ᓄᓇᖅᑲᖅᑳᖅᓯᒪᔪᑦ ᐃᖅᑲᓇᐃᔭᖅᑎᑦ, ᕿᓂᕈᑎᖏᑦ:
- ᖃᐅᔨᓗᑎᑦ ᐱᐅᓯᑐᖃᐃᑦ ᐊᔾᔨᒌᓐᖏᑦᑐᑦ ᓄᓇᖅᑲᖅᑳᖅᓯᒪᔪᑦ ᓄᓇᖏᓐᓂ
- ᐱᐅᓯᑐᖃᖏᑦ ᐊᑦᑕᕆᑦᑎᐊᕆᐊᓕᑦ, ᐊᒻᒪᓗ ᑐᑭᓯᓗᒋᑦ ᐱᔭᕐᓂᓐᖏᑦᑐᑦ ᓄᓇᖅᑲᖅᑳᖅᓯᒪᔪᑦ ᐃᖅᑲᓇᐃᔭᖅᑎᑦ ᓵᓯᒪᖃᑦᑕᖅᑕᖏᑦ
- ᑐᕌᕐᓗᑎᒃ ᐋᕿᑦᑎᐊᖅᓯᒪᓂᕐᒧᑦ ᐱᐅᓯᑐᖃᕐᓂᒃ ᐃᖏᕐᕋᔪᓕᕆᔨᒃᑯᑦ ᑲᓇᑕ ᐊᒻᒪᓗ ᐊᑐᖅᑕᐅᑎᓪᓗᒋᑦ ᐃᓕᖁᓯᖏᑦ ᓴᕿᑦᑎᓯᒪᓗᑎᒃ ᑐᓐᖓᓇᕐᓂᕐᒥᒃ, ᐃᒃᐱᒍᓱᑦᑎᐊᕐᓂᕐᒥᒃ ᐊᒻᒪᓗ ᐃᑲᔪᑦᑎᐊᖅᑐᑦ ᐊᕙᑎᖏᑦ ᐃᓕᖕᓄᑦ
ᐅᖃᓕᒫᒃᑲᓐᓂᕈᓐᓇᖅᑕᑎᑦ ᐅᕙᓐᓂᒃ ᐱᔾᔪᑎᓖᑦ ᐊᒻᒪᓗ ᐃᖅᑲᓇᐃᔮᓐᓂᒃ: ᑮᓇᖏᑦ ᐊᓯᖑᐃᔪᑦ: ᓂᕆᐅᓇᖅᑐᖅ ᐊᔪᖅᓴᖏᑦᑎᐊᕈᓐᓇᕐᓂᖅ
ᖃᓄᐃᒻᒪᑦ ᐅᖃᕐᕕᒋᔭᕆᐊᖃᖅᐱᖔ?
ᐃᖅᑲᓇᐃᔮᒃᓴᒧᑦ ᐃᓕᓐᓂᐊᕈᒪᔪᓄᑦ ᐊᔪᕆᓐᓃᖅᑎᑦᑎᓂᖅ
- ᐅᖃᐅᑎᔭᐅᑦᑎᐊᕈᒪᓗᑎᑦ ᐃᕝᕕᑦ ᐃᓕᓐᓂᐊᕈᒪᔭᖏᓐᓂᒃ ᐃᖅᑲᓇᐃᔮᒃᓴᒧᑦ, ᐱᕚᓪᓕᕈᑎᒃᓴᑦ ᓴᓇᓕᕈᓐᓇᕐᓂᕐᒧᑦ, ᐊᒻᒪᓗ ᐃᓕᓐᓂᐊᖅᑕᐅᔪᓐᓇᖅᑐᑦ
- ᓇᓗᓇᐃᖅᓯᓗᑎᑦ ᐃᖅᑲᓇᐃᔮᒃᓴᓄᑦ ᐃᓕᓐᓂᐊᕈᒪᔭᕐᓄᑦ ᑐᕌᖅᑕᑎᑦ ᐊᒻᒪᓗ ᓄᓇᓐᖑᐊᓕᐅᕐᓗᒍ ᐊᖁᑎᒋᓂᐊᖅᑕᑎᑦ ᑎᑭᐅᑎᓂᐊᕋᕕᒋᑦ ᐱᔪᒪᔭᑎᑦ.
ᐃᖅᑲᓇᐃᔮᒃᓴᒥᒃ ᕿᓂᖅᑐᑦ ᐃᑲᔫᑎᖓ
- ᐊᑐᕈᓐᓇᖅᑕᑎᑦ ᐃᖅᑲᓇᐃᔭᓕᕐᑎᑦᑎᓂᖅ ᐊᐅᓚᑦᓯᔨᓂᒃ ᐊᒻᒪᓗ ᐃᖅᑲᓇᐃᔮᒃᓴᐃᑦ ᒪᑐᐃᖓᔪᓂᒃ ᐃᑲᔫᑎᒋᓂᐊᕐᓗᑎᒃ ᐃᖅᑲᓇᐃᔮᒃᓴᓄᑦ ᐃᓕᓐᓂᐊᕈᒪᔭᕐᓄᑦ ᑐᕌᕆᔭᕐᓄᑦ
- ᐃᑲᔪᖅᑕᐅᓗᑎᒃ ᑎᑎᕋᕆᐅᖅᓴᓂᖅ ᐃᖅᑲᓇᐃᔮᕆᓯᒪᔭᑎᑦ ᑎᑎᕋᖅᓯᒪᔭᕆᐊᓕᖕᓂᒃ ᐊᒻᒪᓗ ᐱᑐᐃᓐᓇᕆᐊᖃᓕᖅᓯᒪᓗᑎᑦ ᐃᖅᑲᓇᐃᔮᒃᓴᒧᑦ ᐊᐱᖅᓱᖅᑕᐅᓂᐊᖅᑎᓪᓗᑎᑦ
ᐃᓕᓐᓂᐊᕈᑎᑦ ᐊᒻᒪᓗ ᐱᔭᕆᐅᖅᓴᐅᑎᑦ ᐃᑲᔫᑎᖏᑦ
- ᑐᑭᓯᑎᑕᐅᒃᑲᓐᓂᕐᓗᑎᑦ ᐃᓕᓐᓂᐊᕈᑎᓂᒃ ᐱᓕᕆᑎᑦᑎᔾᔪᑕᐅᔪᓂᒃ ᐊᒻᒪᓗ ᐱᔭᕆᐅᖅᓴᐅᑎᒃᓴᓂᒃ ᐃᖏᕐᕋᓯᑎᑕᐅᓯᒪᔪᓂᒃ
- ᑐᑭᒧᐊᒍᑎᓂᒃ ᐱᑎᑕᐅᓗᑎᒃ ᐱᕚᓪᓕᕈᑎᒃᓴᓂᒃ ᐃᓗᐊᓂ ᒐᕙᒪᒃᑯᓂ ᐃᖅᑲᓇᐃᔭᖅᑎᐅᓂᕐᒧᑦ
ᐊᐅᓚᑦᓯᔨᓄᑦ ᐃᑲᔫᑎᑦ
- ᐱᑎᑕᐅᓗᑎᑦ ᓄᓇᖅᑲᖅᑳᖅᓯᒪᔪᑦ ᑕᐅᑦᑐᖏᑦᑎᒍᑦ ᐃᖅᑲᓇᐃᔭᓕᕐᑎᑦᑎᓂᖅ, ᑐᓐᖓᓱᒃᑎᑦᑎᓂᖅ ᐊᒻᒪᓗ ᐃᑲᔪᐃᓐᓇᕐᓂᖅ ᓄᓇᖅᑲᖅᑳᖅᓯᒪᔪᓂᒃ ᐃᖅᑲᓇᐃᔭᖅᑎᓂᒃ
- ᐃᑲᔪᖅᑕᐅᓗᑎᑦ ᐃᖅᑲᓇᐃᔮᒃᓴᓂᑦ ᒪᑐᐃᖓᔪᓂᒃ ᓴᕿᑎᑦᑎᓂᖅ ᐊᒻᒪᓗ ᐃᖅᑲᓇᐃᔭᖅᑎᑖᖅᐸᓪᓕᐊᓂᖅ
ᐃᒪᓐᓇ ᐅᖃᕐᕕᒋᔪᓐᓇᖅᑕᒪ ᐅᑯᑎᒎᓇᖅ
ᐅᖃᕐᕕᒋᔪᓐᓇᖅᑕᕐᒪ - ᐅᖃᐅᓯᕆᔪᒪᑦᑎᐊᖅᐸᒃᑲ ᖃᓄᖅ ᐱᓕᕆᔪᓐᓇᕐᒪᖔᑦᑕ ᐃᓕᖕᓄᑦ. ᖁᔭᓐᓇᒦᒃ
- ᐅᖃᓘᑎᒐ: 431-335-3482
- ᖃᕆᓴᐅᔭᒃᑯᑦ: sean.stiff@tc.gc.ca
- ᐱᓕᕆᖃᑎᒌᑦ ᐅᖃᓪᓚᖁᑎᒋᔪᓐᓇᖅᑕᒃᑲ: ᐅᖃᓪᓚᖃᑎᒌᒡᓗᑕ ᐅᕙᖓᓗ ᐱᓕᕆᖃᑎᒌᒍᓐᓇᕐᓂᕐᒥᒃ
ᑕᒪᑐᒧᖓ ᐊᑕᔪᑦ ᖃᕆᓴᐅᔭᕐᒧᑦ ᒪᑐᐃᕈᓐᓇᖅᑐᑦ
- ᐃᓕᓐᓂᐊᕈᑎᑦ ᐊᖁᑎᖏᑦ ᐊᐅᓚᑦᑎᔨᓄᑦ ᓄᓇᖅᑲᖅᑳᖅᓯᒪᔪᑦ ᐃᖅᑲᓇᐃᔭᖅᑎᓄᑦ
- ᓄᓇᖅᑲᖅᑳᖅᓯᒪᔪᑦ ᐃᖅᑲᓇᐃᔮᒃᓴᓄᑦ ᐃᓕᓐᓂᐊᖅᑕᐅᔪᓐᓇᖅᑐᑦ ᐊᖁᑎᒃᓴᖏᑦ ᕿᓂᕈᑎᖏᑦ ᐱᓕᕆᑎᑦᑎᔾᔪᑕᐅᔪᑦ ᐅᓂᒃᑳᖓ 2023-2024 (PDF. 1.68 MB)
- ᑐᓐᖓᓱᒃᑎᑦᑎᒋᑦ ᑲᑎᖓᔪᑦ ᓄᑖᑦ ᓄᓇᖅᑲᖅᑳᖅᓯᒪᔪᑦ ᐃᖅᑲᓇᐃᔭᖅᑎᑦ (PDF, 1.83 MB)
- ᐃᖅᑲᓇᐃᔮᒃᓴᖏᓐᓄᑦ ᐃᓕᓐᓂᐊᕈᑎᓐᓇᖅᑕᖏᑦ ᐊᖁᑎᖏᑦ ᓄᓇᖅᑲᖅᑳᖅᓯᒪᔪᑦ ᐃᖅᑲᓇᐃᔭᖅᑐᑦ
- ᓄᓇᖅᑲᖅᑳᖅᓯᒪᔪᓂᒃ ᐃᖅᑲᓇᐃᔭᖅᑎᑖᖅᐸᓪᓕᐊᓂᕐᒧᑦ ᓴᓇᕐᕈᑎᑦ
- ᑭᖑᓪᓕᖅᐹᖅᓯᐅᑎ ᐅᓂᒃᑳᖅ: ᐊᒥᓱᑦ ᓂᐲᑦ ᐊᑕᐅᓯᕐᒥᒃ ᐃᓱᒪᓖᑦ: ᐊᖁᑎᒃᓴᖓᑦ ᓴᐃᒪᖃᑎᒌᒃᐸᓪᓕᐊᓂᕐᒧᑦ
- ᐃᖅᑲᓇᐃᔮᒃᓴᓄᑦ ᐃᓕᓐᓂᐊᕈᑎᑦ ᓄᓇᖅᑲᖅᑳᖅᓯᒪᔪᓄᒃ ᐃᖅᑲᓇᐃᔭᖅᑎᓄᑦ(GCpedia)
- ᓄᓇᖅᑲᖅᑳᖅᓯᒪᔪᑦ ᐃᓕᓐᓂᐊᖅᑐᑦ ᖃᐅᔨᒋᐊᕐᕕᖓ (SharePoint)